රට ක්‍රමානුකූලව විවෘත කිරීමේ තීන්දු රජයේ තනි තීරණ පමණක් නොව සෞඛ්‍ය බලධාරින්ගේ උපදෙස් පිළිබදවද අවධානය යොමුකරමින් ගත් තීරණ බව ක්‍රීඩා අමාත්‍ය නාමල් රාජපක්ෂ මහතා අවධාරණය කරනවා.
පවතින කොවිඩ් තත්වය හමුවේ අන්තර්පළාත් ප්‍රවාහනය සදහා අවසර දීම සම්බන්ධයෙන් මහනුවරදී මාධ්‍යවේදියෙකු යොමුකළ ප්‍රශ්නයකට පිළිතුරු දෙමිනුයි අමාත්‍යවරයා මේ බව සදහන් කළේ.
කොවිඩ් එන්ත්කරණ වැඩපිළිවෙල සාර්ථකව සිදුවෙමින් පවතින අවස්ථාවක රට ක්‍රමයෙන් විවෘත කිරීම හොදම විසදුම බවයි නාමල් රාජපක්ෂ මහතා පෙන්වා දෙන්නේ.
මේ අතර ගුරු විදුහල්පති වැටුප් විෂමතා ඇතුලු ගැටලු විසදීම සම්බන්ධයෙන් අවශ්‍ය වැඩපිළිවෙල සහ පසුබිම ආණ්ඩුවක් ලෙස සිය රජය නිර්මාණය කර ඇති බවද නාමල් රාජපක්ෂ මහතා මෙහිදී සදහන් කළා.
