උපත්, විවාහ සහ මරණ සහතික පිටපත් මාර්ගගත ක්‍රමයට ලබාදීම අද සිට ආරම්භ කරන බව රෙජිස්ට්‍රාර් ජනරාල් දෙපාර්තමේන්තුව පවසනවා.
මෙම සහතික පිටපත් මාර්ගගත ක්‍රමයට ලබාගැනීම සඳහා ජංගම දුරකතනය සහ පරිගණක භාවිතයෙන් ඉල්ලූම් කළ හැකි අතර ක්‍රෙඩිට් කාඩ්පත් භාවිත කර ඒ සඳහා අදාළ ගෙවීම් සිදුකළ හැකියි.
එම සහතික සීඝ්‍රගාමී තැපෑල ඔස්සේ නිවසටම ගෙන්වා ගැනීමට හෝ ළගම පිහිටි ප්‍රාදේශීය ලේකම් කාර්යාලයට පැමිණ ලබාගැනීමේ පහසුකම් සපයා ඇතැයි රෙජිස්ට්‍රාර් ජනරාල් දෙපාර්තමේන්තුව සඳහන් කලා.
මේ පිළිබඳ වැඩිදුර 011 යි 2 යි 889 යි 518 දුරකතන අංකයෙන් ලබාගත හැකියි.
