ශ්‍රී ලංකාවෙන් ඊයේ දිනයේදී තවත් කොවිඩ් ආසාධිතයන් 2956 දෙනෙකු හඳුනාගනු ලැබුවා.
ඒ අනුව මේ දක්වා මෙරටින් වාර්තා වී ඇති සමස්ත ආසාදිතයින් ගණන 03 ලක්ෂ 29 දහස් 994 ක්.
දැනට මෙරට රෝහල් සහ ප්‍රතිකාර මධ්‍යස්ථානවල ප්‍රතිකාර ලබමින් සිටින සංඛ්‍යාව 31 දහස් 620 ක්.
මේ අතර මෙරට කොරෝනා වෛරස් ආසාධිතයන් අතුරින් සුවය ලැබූ සමස්ත සංඛ්‍යාව දෙ ලක්ෂ 93 දහස් 357 දක්වා ඉහළ ගියා.
මේ අතර මෙරට මුලු කොවිඩ් මරණ සංඛ්‍යාව 5111 දක්වා ඉහළ ගියා. ඒ ඊයේ දිනයේදී තවත් මරණ 94 ක් තහවුරු වීමත් සමගයි.
ඉන් 71 ක් වයස අවුරුදු 60 ට වැඩි අය වන අතර මරණ 22 ක් වයස අවුරුදු 30 ත් 59 ත් අතර අය වනවා.
එක් මරණයක් වයස අවුරුදු 30 ට අඩු අයෙකුයි.
