තවත් කොවිඩ් ආසාධිතයන් 644 ක් හඳුනාගැනීමත් සමග ඔස්ටේ්‍රලියාවේ සිඩ්නි නාගරික කලාපය සඳහා පණවා තිබූ ලොක් ඩවුන් තත්වය සැප්තැම්බර් මාසය අවසන් වන තෙක් දීර්ඝ කර තිබෙනවා.
එමෙන්ම ලබන සඳුදා සිට අධි අවධානම් පළාත් පාලන බල ප්‍රදේශ 12 ක පෙරවරු 09 සිට පස්වරු 05 දක්වා දිනපතා ඇඳිරි නීතිය පැණවීමටයි නිවු සවුත් වේල්ස් ප්‍රාන්ත බලධාරීන් තීරණය කර ඇත්තේ.
ඊයේ නිවු සවුත් වේල්ස් ප්‍රාන්තයෙන් තවත් කොවිඩ් ආසාධිත මරණ 04 ක් ද සටහන් වී තිබුණා.
මේ අතර ඇෆ්ඝනිස්ථානයෙන් පුද්ගලයන් ඉවත් කරගත් පළමු ගුවන් යානය පර්ත් නගරයට ගොඩ බස්වා තිබෙනවා.
ඔස්ටේ්‍රලියානුවන් 90 දෙනෙකු සහ ඇෆ්ඝන් වීසා බලපත් හිමි පිරිසක් ඒ අතර වන බව සඳහන්.
ඇෆ්ඝන් මෙහෙයුම්වල නිරතවී සිටි සමස්ත ඔස්ටේ්‍රලියානුවන් ගණන 600 කට අධිකයි.
එමෙන්ම ඇෆ්ඝන් ජාතිකයන් 3000 කට පමණ ඔස්ටේ්‍රලියාව තුළදී රැකවරණය දීමට තමා සූදානම් බවයි අගමැති ස්කොට් මොරිසන් සඳහන් කර සිටියේ.
මේ අතර ඇෆ්ඝන් ජාතිකයන් පිරිසක් සහ බ්‍රිතාන්‍ය පුරවැසියන් කණ්ඩායමක් රැගත් ඔස්ටේ්‍රලියානු හමුදා ගුවන් යානයක් එක්සත් අරාබි එමීර් රාජ්‍යය වෙත ගොඩ බස්වා තිබෙනවා.
