ඇෆ්ඝනිස්ථානයෙන් පුද්ගලයන් ඉවත් කරගැනීම සැළසුම් කර ඇති පරිදි ලබන 31 වනදා වනවිට අවසන් කරන බව අමෙරිකානු ආරක්ෂක අංශ පවසනවා.
කෙසේවෙතත් එම දිනය දීර්ඝ කරන ලෙසයි මහා බි්‍රතාන්‍යය / ප්‍රංශය සහ ජර්මනිය විසින් ජී-7 රාජ්‍ය නායක සමුලුවේදී ඉල්ලා සිටියේ.
එහෙත් කාල වකවානු දීර්ඝ කිරීමකට තලේබාන් සංවිධානය ද විරෝධය පළකර ඇති අතර එය එකගතාවයන් කඩ කිරීමක් බවයි ඔවුන්ගේ ස්ථාවරය වන්නේ.
ඇෆ්ඝනිස්ථානයෙන් මේ වනවිටත් විශාල පිරිසක් ඉවත් කරගෙන ඇති නමුත් තවත් 20,000 කට ආසන්න පිරිසක් වෙනත් රටකට යාමේ අපේක්ෂාව ඇතිව කාබුල් ගුවන් තොටුපළ පරිශ්‍රයේ රැඳී සිටිනවා.
දිගින් දිගටම එල්ලවන ඉල්ලීම් හමුවේ දින වකවානු දීර්ඝ කරන්නේදැයි යන තීරණය ඉදිරි පැය 24 තුළදී ගන්නා බවයි අමෙරිකා ජනාධිපති ජෝ බයිඩ්න් නිවේදනය කලේ.
