ඇෆ්ඝනිස්ථානයෙන් ජනතාව ඉවත් කරගැනීම සඳහා වාණිජ ගුවන් යානා යොදා ගැනීමට අමෙරිකාව තීරණය කර තිබෙනවා.
ඒ සඳහා ගුවන් යානා 18 ක් යොදා ගැනීමට නියමිත බවයි පෙන්ටගනය සඳහන් කලේ.
පසුගිය සතිය තුළදී පුද්ගලයන් 28,000 ක් ඉවත් කරගෙන තිබූ අතර තවත් දහස් සංඛ්‍යාත පිරිසක් රටින් පිටත්වීම සඳහා කාබුල් ගුවන් තොටුපළේ රැඳී සිටින බව සඳහන්.
මෙම අවස්ථාවලදී හටගත් දැඩි නොසන්සුන්තා හමුවේ 20 දෙනෙකු මියගොස් තිබුණා.
ඇෆ්ඝනිස්ථානයේ පාලනය මේ වනවිට තලේබාන් සංවිධානය යටතේ පැවතියද කාබුල් ගුවන් තොටුපළ තවමත් පවතින්නේ අමෙරිකා හමුදා යටතේයි.
