ඇෆ්ඝනිස්ථානයෙන් අමෙරිකානු හමුදා මුලුමනින්ම ඉවත් කර නොගන්නැයි තමන් ජනාධිපති ජෝ බයිඩ්න්ට උපදෙස් දී තිබූ බව එරට ඉහළම ජනරාල්වරුන් දෙදෙනෙකු පාපොච්චාරණය කර තිබෙනවා.
අවම වශයෙන් 2500 ක භට පිරිසක් හෝ ස්ථානගත කර තබන ලෙස තමන් දැනුම් දී තිබූ බවයි ජනරාල් මාර්ක් මිලේ සහ ජනරාල් ෆ්‍රෑන්ක් මැකෙන්සි විසින් අමෙරිකා කොංග්‍රසය හමුවේ සාක්ෂි දෙමින් කියාසිටියේ.
මෙය ජනාධිපති ජෝ බයිඩ්න් සිදුකර තිබූ ප්‍රකාශ හා පරස්පර විරෝධී වන්නේ තමන් එවැනි කිසිදු උපදෙසක් ලබානොගත් බව ජනාධිපතිවරයා විසින් මීට පෙර පවසා තිබීම හේතුවෙනුයි.
පසුගිය අගෝස්තු මාසයේදී අමෙරිකාව ඇෆ්ඝන් මෙහෙයුම් නතර කර ඉවත්වූ අතර ඊට අදාළවයි මෙම සාක්ෂි විමසීම පැවැත්වෙන්නේ.
