ආණ්ඩුව හැර රටේ සෑම අයෙකුම කොතලාවල පණතට විරුද්ධ බව ජනතා විමුක්ති පෙරමුණ පවසනවා.
එහි ප්‍රධාන ලේකම් ටිල්වින් සිල්වා මහතා මේ බව කියා සිටියේ විශ්ව විද්‍යාල ආචාර්යවරුන්ගේ සමිති සම්මේලනයේ නියෝජිතයන් සමග කොළඹ පැවති සාකච්ඡාවකින් පසු මාධ්‍යයට අදහස් දක්වමින්.
අදාල පණතට සංශෝධන එක්කළද එහි හානිකර භාවයේ වෙනසක් සිදු නොවන බවයි ඔහු අවධාරණය කළේ.
මෙම සාකච්ඡාවට ජ්‍යෙෂ්ඨ කථිකාචාර්ය සිතුමිණි රත්මලල මහතාද එක්වුනා.
ඔහු සදහන් කළේ නිදහස් අධ්‍යාපනය මිළිටරීකරණයට තැත් කිරීම ඉතා භයානක කරුණක් බවයි.
