කොවිඩ් වසංගතය හමුවේ මහජනතාව පීඩාවට පත්ව සිටින අවස්ථාවක ජනතාවට සහන ලබාදෙනවා වෙනුවට තවදුරටත් ඔවුන් මත බදුබර පැටවීමට ආණ්ඩුව ක්‍රියා කරමින් සිටින බවට සමගි ජන බලවේගයේ ජාතික සංවිධායක පාර්ලිමේන්තු මන්ත්‍රි තිස්ස අත්තනායක මහතා චෝදනා කරනවා.
විශේෂ වෙළද භාණ්ඩ පනත යටතේ මුදල් අමාත්‍යංශය විසින් ඊයේ නිකුත් කර තිබූ අති විශේෂ ගැසට් පත්‍රය පිළිබදව අද මහනුවරදී මාධ්‍යයට අදහස් දක්වමිනුයි තිස්ස අත්තනායක මහතා මෙම චෝදනාව එල්ල කළේ.
වෛද්‍යවරුන්ගේ නිර්දේශ නොතකමින් තවදුරටත් රට විවෘතව තැබීම ජනතාවගේ ජීවිතවලට විශාල අනතුරක් බවද තිස්ස අත්තනායක මහතා මෙහිදී අවධාරණය කළා.
