ආණ්ඩුව ස්ථාපනය කිරීමේදීම අදාළ විෂයන් සම්බන්ධව දැනුවත්වීමක් ඇති පිරිසක් සමග පමණක් කටයුතු කළේ නම් වර්තමානයේ උදාවී ඇති තත්වයට ආණ්ඩුව පත් නොවන බව රාජ්‍ය අමාත්‍ය සුසිල් ප්‍රේමජයන්ත මහතා අවධාරණය කරනවා.
ආණ්ඩුවේ පාලනය ගෙනයනු ලබන්නේ විෂයානුබද්ධ දැනුමක් නොමැති පුද්ගලයින් සමග බවට නිරීක්ෂණය වී ඇති බවයි ඔහු පෙන්වා දෙන්නේ.
රටේ ආර්ථික අර්බුද පවතින අවස්ථාවක ආණ්ඩුවේ මැති ඇමතිවරු බොහෝ පිරිසක් විදෙස් සංචාරවල නිරතව ඇති බවට මහනුවරදී මාධ්‍යවේදියෙකු ඇසූ ප්‍රශ්නයකට පිලිතුරු දෙමිනුයි සුසිල් ප්‍රේමජයන්ත මහතා මෙම අදහස් පළකලේ.
