රසායනික පොහොර සම්බන්ධයෙන් විවිධ අවස්ථා වලදී ආණ්ඩුව ගන්නා පරස්පර නියෝග අද වනවිට හාස්‍යයක් වී ඇති බව සමගි ජනබලවේගය පවසනවා.
පැය 24 ක් තුල පොහොර ගැටලුව සම්බන්ධයෙන් විවිධ නියෝග කරමින් ගැසට් පත්‍ර ප්‍රකාශයට පත් කිරීමටත් / නිළධාරීන්ට එරෙහිව විනය පරීක්ෂණ පැවැත්වීමටත් කටයුතු කිරීම හෙළා දකින බවයි ඔවුන් පෙන්වා දෙන්නේ.
අද පෙරවරුවේ විපක්ෂ නායක කාර්යාලයේ පැවති මාධ්‍ය හමුවකට එක්වෙමින් පාර්ලිමේන්තු මන්ත්‍රී හර්ෂණ රාජකරුණා මහතා මේ බව කියා සිටියා.
මේ අතර පොහොර නොමිලේ ලබාදෙන බව පවසා බලයට පැමිණි ආණ්ඩුව අද දවසේදී කාබනික පොහොර පමණක් නොමිලේ ලබා දෙන බවට සිදුකරන ප්‍රකාශ පිළිබදවද හර්ෂණ රාජකරුණා මහතාගේ අවධානය යොමු වුණා.
