ජාතික ඉන්ධන අවසර පත්‍රය ලබන සඳුදා සිට ක්‍රියාත්මක වන තෙක් අද සිට ලබන 24 වනදා දක්වා සීමාසහිතව සිපෙට්කෝ පිරවුම්හල්වලින් ඉන්ධන නිකුත් කිරීම සිදු කෙරෙනවා.
ඒ අනුව වාහන අංක තහඩුවේ අවසන් අංකය අනුව ඉන්ධන සැපයෙන අතර, එම වැඩපිළිවෙළ ක්‍රියාත්මක නොකරන පිරවුම්හල් සඳහා ඉන්ධන නිකුත් නොකරන බවයි බලශක්ති අමාත්‍යාංශය පවසන්නේ.
ඒ අනුව වාහන අංක තහඩුවේ අවසන් අංකය 0, 1, 2 සඳහා අගහරුවාදා සහ සෙනසුරාදාත්, 3, 4, 5 සඳහා බ්‍රහස්පතින්දා සහ ඉරිදාත් 6, 7, 8, 9 සඳහා සඳුදා, බදාදා, සිකුරාදා යන දිනයන්හිදීත් ඉන්ධන ලබා ගැනීමට හැකියාව පවතිනවා.
මෙම වැඩපිළිවෙළ අද සිට ආරම්භ වන බැවින් වාහනයේ අවසන් අංකය 3, 4 හෝ 5 ලෙස දැක්වෙන වාහනවලට සිපෙට්කෝ පිරවුම්හල් මගින් ඉන්ධන සැපයෙනු ඇති.
මෙහිදී සිපෙට්කෝ පිරවුම්හල්වලින් යතුරුපැදි සඳහා උපරිම රුපියල් 1,500 ක, ත්‍රීරෝද රථ සඳහා උපරිම රුපියල් 2,000 ක සහ සෙසු වාහන සඳහා උපරිම රුපියල් 7,000 ක ඉන්ධන ලබාදෙන බවයි බලශක්ති අමාත්‍යාංශය නිවේදනය කලේ.
