සේවක අර්ථසාධක අරමුදලේ මුදල් ආපසු ගැනීමේදී කිසිදු ආකාරයක බදු මුදලක් අයකිරීමට රජය සැළසුම් කර නොමැති බව මුදල් රාජ්‍ය අමාත්‍ය අජිත් නිවාඩ් කබ්රාල් මහතා අද (03) පාර්ලිමේන්තුවේදී සහතික වුණා.
සමගි ජන බලවේගයේ මන්ත්‍රි බුද්ධික පතිරණ මහතා වාචික පිළිතුරු අපේක්ෂාවෙන් යොමුකළ ප්‍රශ්ණයකට පිළිතුරු දෙමින් අජිත් නිවාඩ් කබ්රාල් මහතා සදහන් කලේ සේවක අර්ථසාධක අරමුදලේ මුදල් සදහා බද්දක් හදුන්වාදීමට රජය සූදානම් වන බවට පසුගිය දිනවල ඇතැම් මාධ්‍ය ඔස්සේ ප්‍රචාරය වූ තොරතුරු අසත්‍යය බවයි.
