සාමාන්‍ය ජන ජීවිතය අතරට හමුදාව යෙදවීම සම්බන්ධයෙන් අමෙරිකාවේ දැඩි අවධානය යොමුව තිබෙනවා.
අමෙරිකානු රාජ්‍ය දෙපාර්තමේන්තුවේ ප්‍රකාශක නෙඩ් ප්‍රයිස් ප්‍රකාශයක් නිකුත් කරමින් අවධාරණය කරන්නේ, සාමකාමී අරගලයක් කිසිවිටෙක හමුදාව යොදා ගැනීමෙන් හෝ ප්‍රචණ්ඩත්වයෙන් මර්දනය නොකළ යුතු බවයි.
ශ්‍රී ලංකාවේ මේ වනවිට සිදුවන ප්‍රචණ්ඩ ක්‍රියා සම්බන්ධයෙන් කනස්සල්ලට පත් වන බව සඳහන් කරන ප්‍රකාශකවරයා කියා සිටින්නේ, සාමකාමි උද්ඝෝෂණකරුවන් කෙරෙහි ප්‍රචණ්ඩත්වය පෑම දැඩිව හෙළා දකින බව ත් ප්‍රචණ්ඩ ක්‍රියාවල නිරත වූ සියලූ දෙනා නීතිය ඉදිරියට ගෙන ආ යුතු බවත් ය.
උද්ඝෝෂණ මර්දනයට හමුදාව යොදා ගැනීම සම්බන්ධයෙන් දැඩි අවධානයෙන් පසුවන බව සඳහන් කරන ඔහු අගමැතිවරයාගේ ඉල්ලා අස්වීමෙන් පසුව සිදුවන දේශපාලනික ක්‍රියා පිළිබඳව දැඩි අවධානයෙන් පසුවන බව පවසයි.
මේ අතර අමෙරිකාව මෙරට දේශපාලන නායකයින්ගෙන් ඉල්ලා සිටින්නේ, කඩිනම් තීරණ ගැනීමෙන් දේශපාලනික හා ආර්ථික ස්ථාවර භාවය ළගා කර ගැනීමට කටයුතු කරන ලෙසයි.
