ජාතික මලල ක්‍රිඩකයෙකු වන මනිවේල් සත්‍යශිලන් (39) මහතා කොළඹ ජනාධිපති ලේකම් කාර්යාලය අසල ජනාධිපතිවරයාට ගෙදර යන ලෙසට ආරම්භ කර ඇති අරගලයට සහය දැක්විම සදහා (30) දින පාගමනක් ආරම්භ කර ඇත.
නුවරඑලිය රාගල නගරයෙන් (30) දින උදැසන 10 ට ගමන් ආරම්භ කල මනිවේල් සත්‍යශිලන් මහතා නුවරඑලිය හැටන් ගිනිගත්හේන අවිස්සාවේල්ල හරහා කිලෝමිටර් 175 ක් දුර පාගමනින් ගොස් සහය දැක්විමට තිරණය කර ඇත්තේ.
එම ක්‍රිඩකයා (30)දින රාගල නගරයේ සිට හැටන් නගරය දක්වා පළමු දිනයේ කිලෝමිටර් 70 ක් දුර පැමිණ හැටන් නගරයේ නවාතැන්ගෙන (01) දින හැටන් සිට අවිස්සාවේල්ල දක්වා කිලෝමිටර් 73 ක් දුර පාගමිනින් යාමට අදහස් කර ඇත.
2002 වසරේ ඇවිදිමේ තරග සහ මිටර් 3000 ධාවන තරග වලට සහභාගි වු මනිවේල් සත්‍යශිලන් මහතා ආසියානු තරග කිහිපයකටම සහභාගි වු ක්‍රිඩකයෙකි.
නුවරඑලිය උඩුපුස්සැල්ලවා ඇමස් වත්ත පදිංචි මනිවේල් සත්‍යශිලන් ක්‍රිඩකයා ජිවන උපාය වශයෙන් එම වතු යායේ එලවළු වගාව සිදු කරන අතර,රසායනික පොහොර මිල ඉහල යාම , රසායනික ද්‍රව්‍ය නොමැති විම හමුවේ එලවළු වගාව සිදු කරගෙන යාමට නොහැකි බව පවසමින් කොළඹ ගාලුමුවදොර ගෝඨා ගෝ ගම තරුණයන්ට සහය දැක්විම පිණිස පාගමනක් ආරම්භ කල බවය මනිවේල් සත්‍යශිලන් මහතා අප සමග කියා සිටියේ.
මනිවේල් සත්‍යශිලන් මහතාගේ සහයෝගය ඔහුගේ බිරිද වන වලපනේ ප්‍රාදේශිය සභාවේ ප්‍රාදේශිය සභා මන්ත්‍රිනි සම්මුගම් දේවප්‍රියා මහත්මියද (සමගි ජන බලවේගය )සිය අවු 1 ½ වයසැති පුතු සමග ත්‍රිරෝද රථයකින් පසුපසින් ගමන් කරමින් සිටියි.
තමන්ට විඩාව දැණුනු විට විඩාව නිවා ගැනිම සදහා යන ගමන් මාර්ගයේ ස්ථානයක විවේක ගැනිම සදහා නතර වන බවත්,අතරමගදි තමන්ට ලැබෙන ආහාර තම බිරිදට සහ දරුවාට ලබා දි තමන්ද ආහාර ගන්නා බවයි මනිවේල් සත්‍යශිලන් මහතා කියා සිටියේ.
එම ක්‍රිඩකයා (30) දින රාගල සිට හැටන් දක්වා පැමිණෙන අවස්තාවේ මාර්ගය දෙපස ප්‍රධාන නගර වල උණුසුම් අයුරින් පිලිගත් අතර , හැටන් කොටගල නගරයේ වෙලද සංගමය සහ ප්‍රදේශවාසින් එක්ව උණුසුම් අයුරින් පිලිගෙන ඔහුට සුභ පැතුම් එක් කරනු ලැබුහ.
