පසුගිය මැයි 09 වනදා නිට්ටඹුවේදී පාර්ලිමේන්තු මන්ත්‍රී අමරකීර්ති අතුකෝරළ මහතා ඝාතනය සම්බන්ධයෙන් විමර්ශනයට ත්‍රිපුද්ගල මහාධිකරණ විනිසුරු මඩුල්ලක් පත් කරන්නැයි සමගි ජන බලවේගය අද පාර්ලිමේන්තුවේදී ඉල්ලීමක් කලා.
එමගින් අදාළ විමර්ශන කඩිනම් කිරීමට හැකිවනු ඇති බවයි විපක්ෂයේ ප්‍රධාන සංවිධායක පාර්ලිමේන්තු මන්ත්‍රී ලක්ෂ්මන් කිරිඇල්ල මහතා පෙන්වා දුන්නේ.
අමරකීර්ති අතුකෝරළ මහතා සම්බන්ධ ශෝක ප්‍රකාශ යෝජනාව අද පාර්ලිමේන්තුවේදී විවාදයට ගැනෙනවා.
ඊට එක්වෙමින් අග්‍රාමාත්‍ය රනිල් වික්‍රමසිංහ මහතා සඳහන් කලේ මැයි 09 වනදා සිදුවීම් සම්බන්ධයෙන් ස්වාධීන පරීක්ෂණවක් පවත්වන්නැයි පොදු රාජ්‍ය මණ්ඩල පාර්ලිමේන්තු සංගමයෙන්ද ඉල්ලීමක් කල බවයි.
මේ අදාළ ශෝක ප්‍රකාශ යෝජනා විවාදයේදී අදහස් පළකල සභානායක දිනේෂ් ගුණවර්ධන – විපක්ෂ නායක සජිත් ප්‍රේමදාස – අග්‍රාමාත්‍ය රනිල් වික්‍රමසිංහ – හිටපු අග්‍රාමාත්‍ය මහින්ද රාජපක්ෂ සහ විපක්ෂයේ ප්‍රධාන සංවිධායක පාර්ලිමේන්තු මන්ත්‍රී ලක්ෂ්මන් කිරිඇල්ල යන මහත්වරුන්.
