ඕනෑම අවස්ථාවක පළාත් පාලන මැතිවරණය පැවැත්වීමට සූදානම් බව මැතිවරණ කොමිෂන් සභාව පවසනවා.
මැතිවරණ කොමිෂන් සභාවේ ඉදිරි කටයුතු පිළිබදව දැනුවත් කරමින් ඊයේ පැවති ප්‍රවෘත්ති සාකච්ඡාවකදී අදහස් දක්වමින් එහි සභාපති නිමල් පුංචිහේවා මහතායි මේ බව කියා සිටියේ.
ඒ අනුව ඉදිරියේදී පළාත් පාලන මැතිවරණය පවත්වන්නේ නම් කොවිඩ් වසංගතය සමග යම් යම් සීමාවලට යටත්ව ක්‍රියාත්මක කිරීමට කටයුතු කරන බවයි ඔහු වැඩිදුරටත් කියා සිටියේ.
ලබන වසරේ සිට ඡන්ද හිමියන් ගණන් ගැනීමේ දිනය පෙබරවාරි මස පළමුවනදා සිට ක්‍රියාත්මක වන බැවින් ඒ අතරතුර අතුරු පරිපූරක ඡන්ද හිමි නාමලේඛනයක් සකස් කිරීමට බලාපොරොත්තු වන බවද නිමල් පුංචිහේවා මහතා මෙහිදී සදහන් කළා.
ඒ හරහා ඡන්ද හිමියන්ට සිය ඡන්ද බලය අහිමි වීමේ අවදානමක් ඇති නොවන බවයි නිමල් පුංචිහේවා මහතා පෙන්වා දුන්නේ.
