දෘෂ්‍යාබාධිත ඇතුලු විශේෂ අවශ්‍යතා සහිත රාජ්‍ය හා පෞද්ගලික අංශයේ සේවකයන් ආවරණය කරමින් චක්‍රලේඛයක් නිකුත් කරන ලෙස ආබාධ සහිත පුද්ගල සංවිධාන ඒකාබද්ධ පෙරමුණ රජයෙන් ඉල්ලීමක් කරනවා.
එහි සහකාර ලේකම් ප්‍රසන්න වික්‍රමසිංහ මහතා අද මහනුවර පැවති මාධ්‍ය හමුවකදී කියා සිටියේ දෘෂ්‍යාබාධිතයින් ඇතුලු විශේෂ අවශ්‍යතා සහිත පුද්ගලයින් අදවනවිට කොරෝනා වසංගතයේ දැඩි අවදානම් කණ්ඩායමක් බවට පත්ව සිටින බවයි.
එම තත්වය සළකා, ගැබිණි මව්වරුන් වන රජයේ සේවිකාවන් සදහා නිකුත් කළ චක්‍රලේඛය හා සමාන චක්‍රලේඛයකින් දෘෂ්‍යාබාධිත ඇතුලු විශේෂ අවශ්‍යතා සහිත රාජ්‍ය හා පෞද්ගලික අංශයේ සේවකයන්වද ආවරණය කරන ලෙසයි ප්‍රසන්න වික්‍රමසිංහ මහතා ඉල්ලා සිටියේ.
