රටේ නිර්මාණය වි ඇති ආර්ථීක අර්බුදයට මෙවර අයවැයෙන් කිසිදු විසදුමක් යෝජනා වි නොමැති බවයි විවාදයට එක්වු ජාතික ජන බලවේගයේ නායක අනුර කුමාර දිසානායක මහතා කියා සිටියේ.
ආන්දෝලනාත්මක මහ බැංකු ගණුදෙනුවට සම්බන්ධ පර්පෙචුවල් ටේ‍රෂරිස් සමාගමේ වත්කමින් රුපියල් කෝටි 850 ක් මහා භාණ්ඩාගාරයට ලබා ගැනිමට මුදල් අමාත්‍යවරයා ඉදිරිපත් කළ යෝජනාවට අනුර කුමාර දිසානායක මහතා සිය ප්‍රසාදය පළ කළා.
එහෙත් ආන්දෝලනාත්මක පැන්ඩෝරා පත්‍රිකා සම්බන්ධ චුදිතයන්ගේ වත්කම් සම්බන්ධයෙන් එවැනි සක්‍රීය භාවයක් නොමැති විම ගැටලුවක් බවයි ඔහු පෙන්වා දුන්නේ.
යථාර්ථවාදි සංඛයා ලේඛන මෙවර අයවැය ලේඛනයේ අන්තර්ගත නොමැති බවටද අනුර කුමාර දිසානායක මහතා චෝදනා කළා.
