අන්තර් පළාත් ධාවනයේ යෙදවීමට සැළසුම් කර ඇති ලංගම බස් රථ හෙට දිනයේ සිට පළාත් තුළ ධාවනයේ යොදවන ලෙස ප්‍රවාහන අමාත්‍යංශය උපදෙස් දී තිබෙනවා.
පළාත් තුළ ධාවනය වන පෞද්ගලික බස් රථ ප්‍රමාණයේ අඩුවක් දක්නට ලැබීම මීට හේතුව බවයි මහනුවරදී මාධ්‍යයට අදහස් දක්වමින් ප්‍රවාහන රාජ්‍ය අමාත්‍ය දිලුම් අමුණුගම මහතා සදහන් කළේ.
අද දිනයේදී ප්‍රදේශ කිහිපයකම බස් රථ හිගයක් පැවති බවද අමාත්‍යවරයා වැඩිදුරටත් අදහස් දක්වමින් ප්‍රකාශ කළා.
මේ අතර මෙරට සංචාරයක නිරත ඉන්දීය විදේශ ලේකම්වරයා සමග ප්‍රවාහන ක්ෂේත්‍රය සම්බන්ධයෙන් සාර්ථක සාකච්ඡා පැවැත්වූ බවද දිලුම් අමුණුගම මහතා මෙහිදී කියා සිටියා.
මෙරට දුම්රිය මාර්ග පද්ධතිය දියුණු කිරීම සහ මෙරටට බස් රථ ලබා දීම සම්බන්ධයෙන් එහිදී අවදානය යොමු වූ බවයි අමාත්‍යවරයා පෙන්වා දුන්නේ.
