පවතින කොවිඩ් අවදානම් තත්වය හමුවේ අද සිට අන්තර්පළාත් ප්‍රවාහන කටයුතු ආරම්භ කිරීමට සෞඛ්‍ය සේවා අධක්ෂජනරාල්වරයා විසින් නිර්දේශ කලේද යන්න පිළිබදව සැකයක් පවතින බව සමගි ජනබලවේගය පවසනවා.
අද පෙරවරුවේ විපක්ෂනායක කාර්යාලයේ පැවති මාධ්‍ය හමුවට එක්වෙමින් පාර්ලිමේන්තු මන්ත්‍රී එස් එම් මරික්කාර් මහතා කියා සිටියේ සෞඛ්‍ය අංශ පවා අනතුරු ඇගවීම් කර ඇති අවස්ථාවක රජය එවැනි තීරණයක් ගැනීම ගැටලු සහගත බවයි.
රට අවදානමට දමමින් රජයේ පටු අරමුණු ඉටුකරගැනීමට කටයුතු කරවීම සම්බන්ධයෙන් පක්ෂයක් ලෙස සමගි ජනබලවේගය විරුද්ධවන බවටද එස් එම් මරික්කාර් මහතා මෙහිදී සදහන් කළා.
ඒ අනුව අන්තර්පළාත් ප්‍රවාහනය සදහා අවසර දීමට තීරණය ගත්තේ කවුරුන්දැයි සම්බන්ධයෙන් හෙට පාර්ලිමේන්තුවේදී හෙළිකළ යුතු බවද එස් එම් මරික්කාර් මහතා මෙහිදී කියා සිටියා.
