කොවිඩ් අවදානම හමුවේ අත්හිටවූ අන්තර් පළාත් බස් රථ ප්‍රවාහන කටයුතු හෙට සිට නැවතත් ආරම්භ කරන බව ලංකා ගමනාගමන මණ්ඩලය පවසනවා.
නිවුස් රේඩියෝවට අදහස් දක්වමින් ලංකා ගමනාගමන මණ්ඩලයේ සභාපති කිංස්ලි රණවක මහතා කියා සිටියේ හෙට දිනයේදී ධාවනය වීමට නියමිත බස්රථ සංඛ්‍යාව ඒ සදහා යොදවන බවයි.
සදුදා දිනයේදී සිට නියමිත කාලසටහන අනුව ලංකා ගමනාගමන මණ්ඩලයේ සම්පූර්ණ බස් රථ සංඛ්‍යාව ධාවනයේ යෙදවීමට නියමිත බවද කිංස්ලි රණවක මහතා කියා සිටියා.
මේ අතර එළැඹෙන සදුදා දිනයේ සිට අත්‍යවශයය රාජකාරි සදහා පැමිණෙන පුද්ගලයින් වෙනුවෙන් අන්තර් පළාත් ප්‍රවාහනය සදහා දුම්රිය කිහිපයක් යෙදවීමට නියමිත බවද අප කළ විමසීමදී දුම්රිය දෙපාර්තමේන්තුවේ සාමාන්‍යාකාරි ධම්මික ජයසුන්දර මහතා සදහන් කළා.
