ඇදිරි නීතිය ඉවත්කළ පැය 07 ක කාලසීමාවේදී ඩිපෝ මට්ටමින් පළාත් තුළ සීමිත බස් රථ ප්‍රමාණයක් ධාවනයට යොදවා ඇති බව ලංකා ගමනාගමන මණ්ඩලය දැනුම් දෙනවා.
කෙසේ නමුත් දුරගමන් සේවා බස් රථ ධාවනය නොවීමේ වැඩි ඉඩකඩක් පවතින බවයි නිව්ස් රේඩියෝ කළ විමසීමකදී මණ්ඩලයේ සභාපති කිංස්ලි රණවක මහතා කියාසිටියේ.
ඇදිරි නීතිය පැනවීමත් සමග ලංගම සේවකයින් සිය ගම්බිම්බලා පිටත්ව ගොස් ඇති බැවින් බොහෝ දුරට අද දිනයේදී සේවයට වාර්තා නොකරන තත්වයක් පවතින බවද කිංස්ලි රණවක මහතා වැඩිදුරටත් සදහන් කළා.
එම නිසා පළාත් තුළ සීමිත බස් රථ ධාවනයක් සිදුවන නමුත් අන්තර් පළාත් බස් රථ ධාවනය සිදුනොවන බවයි සභාපතිවරයා ප්‍රකාශ කළේ.
