අද මධ්‍යම රාත්‍රියේ සිට බස් ගාස්තු ඉහළ දැමීමට ජාතික ගමනාගමන කොමිසම අවසර දී තිබෙනවා.
ඒ අනුව සියලු බස් ගාස්තු සියයට 22 කින් ඉහළ යනු ඇති.
අවම බස් ගාස්තුව රුපියල් 40 දක්වා වැඩිවන බවයි අද පෙරවරුවේ මාධ්‍ය හමුවකදී අනාවරණය කෙරුණේ.
මිළ සූත්‍රය ඇතුලු සියලු කරුණු සළකා බැලීමෙන් පසු සියයට 32.04 කින් ගාස්තු වැඩිවිය යුතු බව මෙම මාධ්‍ය හමුවේදී ගමනාගමන කොමිසමේ අධ්‍යක්ෂ ජනරාල් කමාන්ඩර් නිලාන් මිරැන්ඩා මහතා සඳහන් කලා.
කෙසේවෙතත් අප්‍රේල් මාසයේදී සියයට 24.76 කින් ගාස්තු වැඩිවීම සලකා බලා මෙවර සියයට 22 කින් ගාස්තු වැඩි කිරීමක් පමණක් කෙරෙන බවද ඔහු කියාසිටියා.
