බලශක්ති අමාත්‍යාංශය ඉන්ධන සැපයීම සිදු නොකලහොත් අද රාත්‍රී 09 යි 30 දක්වා දිවයිනේ විවිධ ප්‍රදේශවල විදුලිය විසන්ධි කිරීමට සිදුවන බව ලංකා විදුලි බල මණ්ඩලය පවසනවා.
පැයක පමණ කාලයක් මෙලෙස විදුලිය කපා හැරීමට සිදුවන බවයි මණ්ඩලය සඳහන් කලේ.
පසුගිය 23 වැනිදා සිට මේ දක්වා ඛනිජ තෙල් සංස්ථාවෙන් විදුලි බල මණ්ඩලය වෙත ඉන්ධන ලබා දී නැහැ.
ඒ ඉන්ධන සඳහා විදුලි බල මණ්ඩලයෙන් ගෙවීම් නොකිරීම හේතුවෙනුයි.
කෙසේවෙතත් නියමිත පරිදි ඉන්ධන ලැබුණහොත්, විදුලිය ජනනයට හැකිවනු ඇතැයි ද, විදුලි බල මණ්ඩලය සඳහන් කලා.
