සයිනෝෆාම් එන්නත ලබාගැනීම සදහා කැකිරාව සෞඛ්‍ය වෛද්‍ය නිළධාරි කාර්යාලයට පැමිණි භික්ෂුන් වහන්සේ තුන් නමක් විසින් එම ප්‍රදේශය භාර පරිපාලන මහජන සෞඛ්‍ය පරීක්ෂකවරයාට පහරදී ඇතැයි ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය පවසනවා.
අග්‍රාමාත්‍ය මහින්ද රාජපක්ෂ මහතාගේ සම්බන්ධීකරණ ලේකම්වරයෙකුයැයි පැවසු භික්ෂුන් වහන්සේ නමක් ඇතුලු භික්ෂුන් වහන්සේ තුන් නමක් විසිනුයි මෙම පහරදීම සිදුකර ඇත්තේ.
සැකකාර භික්ෂුන් වහන්සේලා මේ වනවිට පොලිස් අත්අඩංගුවට ගෙන ඇති බව වාර්තා වනවා.
මේ ඒ සම්බන්ධයෙන් අදහස් දැක්වූ ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ මහතා.
එන්නත් මධ්‍යස්ථාන වෙත ගොස් තමන්ට හිමි එන්නත ලබාගැනීම වෙනුවට සෞඛ්‍ය නිළධාරීන්ට පහරදෙමින් අණුවනකම් ප්‍රදර්ශණය කිරීමෙන් වළකින ලෙසයි උපුල් රෝහණ මහතා ජනතාවගෙන් වැඩිදුරටත් ඉල්ලා සිටියේ.
